(राजापूर / प्रतिनिधी)
राजापूरातील हातिवले टोलनाका येथील चेकपोस्टवर चेकिंगसाठी टेम्पो चालकाने थांबवण्याचा प्रयत्न केला असता टेम्पो न थांबवता बॅरिकेटस तोडून नुकसान केल्याप्रकरणी चालकावर गुन्हा दाखल करण्यात आला आहे. सुनील गोराक्ष पठारे (29, पाचुंदा, नेवासा, अहमदनगर) असे गुन्हा दाखल करण्यात आलेल्या टेम्पो चालकाचे नाव आहे. ही घटना 30 डिसेंबर रोजी रात्री 9.30 वा. च्या सुमारास घडली.
याबाबतची फिर्याद पोलीस नाईक सचिन वीर यांनी राजापूर पोलीस ठाण्यात दिली. पोलिसांनी टेम्पो चालक सुनील पठारे याच्यावर भादविकलम 279, 427, मोटर वाहन कायदा कलम 179 नुसार गुन्हा दाखल करण्यात आला आहे.
