( रत्नागिरी / प्रतिनिधी )
रत्नागिरी जिल्ह्याची पोलिस भरती प्रक्रिया जानेवारमध्ये छत्रपती शिवाजी महाराज स्टेडियम मारुती मंदिर रत्नागिरी येथे पार पडली. पोलिस शिपाई पदाच्या १३९ पदासाठी जवळपास ८ हजार अर्ज प्राप्त झाले होते. सांगली, सातारा, कोल्हापूर अशा परजिल्ह्यातील उमेदवारही या भरतीत सामील झाले होते. मैदानी प्रक्रिया पार पडली. त्यामध्ये १६४ उमेदवार लेखी परीक्षेसाठी पात्र ठरले आहेत. या पात्र उमेदवारांची यादी पोलिसांच्या संकेतस्थळावर व पोलिस मुख्यालयात लावण्यात आली आहे. या उमेदवारांची प्रवर्ग व समांतर आरक्षणनिहाय यादी www.ratnagiripolice.co.in या संकेतस्थळावर प्रसिद्ध करण्यात आली आहे.
