(रत्नागिरी)
शहराजवळील चर्मालय परिसरात राहणारी २९ वर्षीय महिला बेपत्ता झाली आहे. ही घटना दिनांक 15 नोव्हेंबर 2023 रोजी सायंकाळी ४:३० वाजण्याच्या सुमारास घडली आहे.
आयशा अरफाद पाटणकर (वय 29 वर्ष, राहणार-चर्मालय, मिल्लत प्लाझा, ता. जि. रत्नागिरी) असे बेपत्ता महिलेचे नाव आहे. आपल्या घरी कोणतीही कल्पना न देता अचानक घरातून महिला निघून गेली. या बेपत्ता महिलेची उंची अंदाजे पाच फूट आहे. राहत्या घरातून अचानकपणे निघून गेल्याने कुटुंबीयांनी शोधाशोध सुरू केला. मात्र ती आसपास कुठेही मिळून आली नाही. त्यामुळे कुटुंबियांनी शहर पोलीस ठाण्यात तक्रार दाखल केली. या बेपत्ता महीलेबाबत कोणाला काही माहिती समजल्यास रत्नागिरी शहर पोलीस ठाणे 02352 – 222333/ 9422053334 या नंबरवर संपर्क साधावा.
