रत्नागिरी : शिवसेनेच्या वर्धापन दिनानिमित्त सकाळी दहा वाजता आठवडा बाजार रत्नागिरी येथील शिवसेना कार्यालय येथे भगवा ध्वजारोहण करण्यात आला. त्यानंतर छत्रपती शिवाजी महाराज यांच्या प्रतिमेला पुष्पहार अर्पण करण्यात आला त्यानंतर हिंदुह्रदय सम्राट माननीय बाळासाहेब ठाकरे व मासाहेब यांच्या प्रतिमेला पुष्पहार अर्पण करण्यात आला. यावेळी युवासेनेच्या मार्फत गरजू व्यक्तींना धान्याचं वाटप करण्यात आलं.
त्याप्रसंगी शिवसेनेचे जिल्हा प्रमुख विलास चाळके, रत्नागिरीचे नगराध्यक्ष प्रदीप उर्फ बंडूशेठ साळवी, शिवसेना शहर प्रमुख बिपिन बंदरकर, उपजिल्हाप्रमुख संजय साळवी, नगरसेवक बंटी कीर, विकास पाटील, बाबा नागवेकर, विभाग प्रमुख महेश पत्की, मनोज साळवे, युवा सेनेचे तालुका युवा अधिकारी तुषार साळवी, शहर युवा अधिकारी अभिजीत धुळे, शहर महिला संघटक मनीषा बामणे आदी उपस्थित होते.
