(रत्नागिरी)
रत्नागिरी शहरातील गजानन महाराज मंदिर रस्त्यावरील “अमृतवेल कॉम्प्लेक्स” मध्ये आज सकाळी “प्लानिंग कन्सल्टन्सी” या नगररचना, घरबांधणी, रहिवासी अभिन्यास, मुल्यांकन, वास्तुशास्त्र क्षेत्रात सल्ला देणाऱ्या कार्यालयाचे घाग सन्सचे विकासक श्री. प्रफुल्ल घाग यांच्या हस्ते उद्घाटन करण्यात आले. त्यावेळी प्लानिंग कन्सल्टन्सीचे प्रमुख श्री. शिवप्रसाद धुपकर, श्री. सुहास शिंदे व अक्षय शिंदे यांसह प्लांट व मशिनरीचे मुल्यांकनतज्ञ श्री. गोविंद भारद्वाज, स्वरूप हॉटेलचे श्री. प्रदीप साळवी, जाधव फिटनेस अॅकॅडमी व जाधव कंस्ट्रक्शनचे श्री. हेमंत जाधव, सेवानिवृत्त उपभियंता श्री. मिलिंद मडकईकर उपस्थित होते.
यावेळी गरजू आणि आर्थिकदृष्ट्या कमकुवत वर्गाला विनामुल्य सेवा देण्याचे श्री. धुपकर व श्री. शिंदे यांनी जाहीर केले. बिनशेती, रेखांकन, सीआरझेड, चटईक्षेत्र, विकास योजना, नगररचना योजना, बांधकाम परवानगीसाठी अंमलात आलेली ऑनलाईन परवानगीची पद्धत याबाबत आपल्या प्रदीर्घ अनुभवाचा लाभ लोकांना मिळावा यासाठी विशेष प्रयत्न करणार असल्याचेही त्यांनी यावेळी सांगितले.
