(रत्नागिरी / प्रतिनिधी)
तालुक्यातील शिरगाव आडी येथे प्राथामिक शाळेवर झाड पडून शाळेतील कौले पडल्याने एक विद्यार्थी जखमी झाला तर अन्य विद्यार्थी बालंबाल बचावल्याची घटना बुधवारी दुपारी घडली.
आडी येथील शाळेमध्ये दुपारी १२ वाजण्याच्या सुमारास शाळा सुरू असताना अचानक झाड कोसळले. यावेळी झाड पडताना मोठा आवाज झाला. त्यामुळे सर्वच घाबरले होते. यावेळी झाडाचा शेंडा शाळेच्या कौलांवर पडल्याने, कौले फुटून पडली. यात पुर्वेश दिनेश पालकर यांच्या डोक्यात कौल पडल्याने, त्याला किरकोळ दुखापत झाली. अन्य नऊ मुले बालंबाल बचावली. यावेळी शाळेत शिक्षक व पालकवर्गही उपस्थित होता. या घटनेमधून तेही बचावले. जखमी विद्यार्थ्यावर तत्काळ रुग्णालयात दाखल करण्यात आले व उपचार सुरू करण्यात आले.
हा प्रकार समजतात, तत्काळ गावातील मंडळींनी घटनास्थळी धाव घेतली. त्यानंतर तलाठी व अन्य शासकीय कर्मचाऱ्यांनी धाव घेत तत्काळ पंचनामा करण्यात आला.
