( रत्नागिरी / प्रतिनिधी )
रत्नागिरी शहरातील शिर्के प्रशालेच्या मैदानावरती आज रोजगार मेळाव्याचे आयोजन करण्यात आले आहे. या मेळाव्याला जिल्ह्यातील तरुण तरुणीनी मोठ्या संख्येने हजेरी लावली आहे. अनेक बेरोजगार तरुण सकाळपासून या ठिकाणी उपस्थित झाले आहे. हजारोंच्या संख्येने तरुण-तरुणी रोजगार मेळाव्यामध्ये सहभागी होण्यासाठी येत आहेत. अजूनही संख्या वाढत आहे. त्यामुळे या रोजगार मेळाव्याचा उच्चांक होणार असल्याचे बोलले जात आहे. जिल्ह्यात एवढ्या मोठ्या संख्येने बेरोजगारी असल्याचे हे जिवंत उदाहरण पाहायला मिळत आहे. या मेळाव्यातून वेगवेगळ्या क्षेत्रात तरुण तरुणीना त्वरित नोकरीची संधी प्राप्त होणार आहे. त्यामुळे तरुणांमध्ये उत्साहाचे वातावरण आहे.
