(रत्नागिरी)
मोहिनी मुरारी मयेकर कला व वाणिज्य महाविद्यालय चाफे मध्ये तृतीय वर्षाच्या विद्यार्थ्यांचा “सदिच्छा समारंभ” संपन्न झाला.
कार्यक्रमाची सुरुवात कै. नाना मयेकर यांच्या प्रतिमेला पुष्पहार अर्पण करून करण्यात आली. प्रमुख उपस्थित मान्यवर संस्थेचे अध्यक्ष बंधू मयेकर, उपाध्यक्ष नंदकुमार साळवी, जाकादेवी विद्यालयाचे माजी मुख्याध्यापक पाटील सर , अजय साळवी, ऋषीकेश मयेकर, रोहित मयेकर, मेहंदळे गुरूजी, उदय साळवी, सुरेंद्र माचिवले यांनी विद्यार्थ्यांना परीक्षेसाठी शुभेच्छा दिल्या. मान्यवरांचे स्वागत प्राचार्या स्नेहा पालये यांनी केले.
संस्थाध्यक्ष बंधू मयेकर यांनी मुलांना पुढील वाटचालीसाठी शुभेच्छा दिल्या. शिक्षण पूर्ण करून पुन्हा आमच्या इथे या आम्ही नोकरीची संधी उपलब्ध करून देवू. पुढील शिक्षणासाठी मदत लागल्यास हक्काने संस्थेला सांगा. असे भाष्य केले. तृतीय वर्ष कला व वाणिज्य च्या विद्यार्थ्यांनी महाविद्यालयाला ग्रंथालयासाठी मोठे कपाट भेट दिले. प्रथम व द्वितीय वर्षाच्या विद्यार्थ्यांनी सत्कारमुर्तींना स्नेहभोजन देवून व शुभेच्छांनी तृप्त केले.
वर्षभरामध्ये झालेल्या विविध पातळ्यावरीर स्पर्धांमध्ये प्राविण्य मिळवलेल्या विद्यार्थ्यांचा मान्यवरांच्या हस्ते सत्कार करण्यात आला. या प्रसंगी प्राचार्या स्नेहा पालये, प्रा. अवनी नागले, प्रा. गणेश कुलकर्णी, प्रा. कविता जाधव, प्रा. विक्रांत शिंदे, प्रा. शामल करंडे, प्रा. गुरूनाथ सुर्वे कर्मचारी वर्ग व विद्यार्थी उपस्थित होते.
