(नांदेड)
सकाळी रंनींग करणाऱ्या दोन शालेय विद्यार्थ्यांना एका अज्ञात वाहनाने धडक देवून, चिरडल्याची घटना भोकर ते नांदेड रोडवरील भोसी परीसरात शुक्रवारी सकाळी ५ वाजता घडली आहे. सदरील घटनेत मयत संकेत दत्ता पाशेमवाड (वय १७ वर्षे , इयत्ता १० वी, कै मोहनराव देशमुख विद्यालय भोसी) तर दुसरा वैभव दत्ता येळणे (१८ वर्षे, इयत्ता ११ वी, कै.लक्ष्मणराव घिसेवाड कनिष्ठ महाविद्यालय भोकर हे दोघे रा.खरबी ता.भोकर) हे दर रोज प्रमाणे माॅर्निंगवाॅक, रनींग करीत होते. या वेळी अज्ञात वाहन चालकांनी त्याच्या ताब्यातील वाहन हयगयीने चालवून दोन्ही विद्यार्थ्यांना धडक दिली. या अपघातात दोन्ही विद्यार्थ्यांचा जागीच मृत्यू झाला आहे.
ही दोन्ही मुले शेतकरी कुटुंबातील होती. घटनास्थळी परिसरातील नागरिकांनी गर्दी केली होती. या घटनेने खरबी गावावर शोककळा पसरली होती.
