(रत्नागिरी)
मुंबई गोवा महामार्गावरील निवळी घाटात आज शनिवारी (१ जुलै २०२३) दुपारी सवातीनच्या सुमारास ट्रक पलटी होऊन अपघात झाला. या अपघातात ट्रक चालक केबिनमधून सुखरूप बाहेर आल्याचे घटनास्थळी पाहणी केल्यावर दिसून आले.
मुंबईच्या दिशेने मालवाहू ट्रक जात असताना निवळी घाटातील एका अवघड वळणावर ट्रक (एमएच 19 एए 8427) आला असता चालकाला वळणाचा अंदाज आला नाही त्यामुळे हा अपघात झाल्याची शक्यता प्रत्यक्षदर्शनी ट्रक पाहिल्यावर समजून येते. मालवाहू ट्रक थेट विरुद्ध दिशेला जाऊन रेलिंग तोडून रस्त्याच्या बाजूस पलटी झाला. प्रत्यक्षदर्शनी ट्रकची अवस्था पाहिल्यावर पलटी झालेल्या ट्रकचे मोठ्या प्रमाणात नुकसान झाल्याचे दिसून येते.
या अपघाताबाबत हातखंबा वाहतूक पोलीसांना संपर्क केला असता त्यांना देखील सदर अपघाताची माहिती नसल्याने अधिक माहिती मिळू शकली नाही.
