(तरवळ / अमित जाधव)
रत्नागिरी तालुक्यातील बळीराम परकर विद्यालय व मुरारी तथा भाई मयेकर ज्युनियर कॉलेज मालगुंड मध्ये इयत्ता पाचवी मध्ये शिकणारा कुमार सर्वेश संतोष धुरी याची तायक्वांडो असोशीएशन ऑफ महाराष्ट्र व पुणे जिल्हा तायकवाँडो आसोशीएशन यांच्या संयुक्त विद्यमाने दिनांक 18 ते 20 जानेवारी रोजी छत्रपती शिवाजी महाराज क्रीडा संकुल पुणे बालेवाडी येथे होणाऱ्या 33व्या सब ज्युनियर राज्य अजिंक्यपद स्पर्धेसाठी निवड झाली आहे. या स्पर्धेत संपूर्ण राज्यातून सुमारे 400 सुवर्ण पदक प्राप्त खेळाडू सहभागी होणार आहेत या स्पर्धेतून राज्य संघ राष्ट्रीय स्पर्धसाठी निवड करण्यात येणार आहे .
जून महिन्यात झालेल्या जिल्हा स्तरीय अजिंक्य पद स्पर्धेत अतिशय उत्कृष्ट कामगिरी करत सुवर्ण पदक पटकावुन जिल्हा संघात आपले स्थान निश्चित केले होते. त्याला या स्पर्धेसाठी मालगुंड एज्युकेशन सोसायटीचे अध्यक्ष श्री बंधू मयेकर सचिव श्री विनायक राऊत, श्री रोहित मयेकर मुख्याध्यापक श्री बिपिन परकर पर्यवेक्षक श्री उमेश केळकर जिल्हा अध्यक्ष व्यंकटेश कररा, विश्वदास लोखंडे, शशांक घडशी, राम कर्रा, राज देवरुखकर, किशोर गुरव, सूरज पवार, यांनी शुभेच्छा दिल्या. तसेच त्याला प्रशिक्षक रुपेश तावडे जिल्हा प्रमुख प्रशिक्षक लक्ष्मण कररा यांचे विशेष मार्गदर्शन लाभले.
