(गणपतीपुळे / वैभव पवार)
रत्नागिरी तालुक्यातील मालगुंड दुर्गवळीवाडी येथील जिल्हा परिषद प्राथमिक शाळेला पडवळ फाऊंडेशन वरवडे या सेवाभावी संस्थेकडून नुकतीच मोफत दप्तरे भेट म्हणून वितरित करण्यात आली. या शाळेत शिक्षण घेणाऱ्या शालेय विद्यार्थ्यांची खरी गरज ओळखून शैक्षणिक साहित्याची विशेष भेट म्हणून सर्व शालेय विद्यार्थ्यांसाठी दप्तरे देण्यात आली.
यासाठी चंद्रकांत विचारे यांचे मोलाचे सहकार्य लाभले. ही दप्तरे वितरित करताना मालगुंड दुर्गवळीवाडी शाळेच्या शाळा व्यवस्थापन समितीच्या अध्यक्षा सान्वी संदीप देसाई, सर्व सदस्य,पालक व शिक्षक उपस्थित होते. या भेटीबद्दल पडवळ फाऊंडेशन या संस्थेचे शाळेच्या मुख्याध्यापिका सुनयना साळवी व उपशिक्षिका नयना तोडणकर यांनी विशेष आभार मानले आहेत.
