( रत्नागिरी / प्रतिनिधी )
नुकताच मारुती मंदिर येथील साक्षी फुड्स समोर 10.30 वाजण्यच्या सुमारास अपघात झाला. या अपघातात उभ्या असलेल्या एका चारचाकीला मद्यधुंद रिक्षा चालकाने ठोकल्याने रिक्षाचे मोठे नुकसान झाले आहे. यामध्ये रिक्षा चालक जखमी असून त्याला उपचारासाठी सिव्हील हॉस्पिटल येथे दाखल करण्यात आले आहे.
या रिक्षा चालकाने माळनाका येथे एका पादचाऱ्याला ठोकर देऊन मारुती मंदिर येथे हुंडाई आय10 GA 08 F3369 या चारचाकीलाही ठोकर दिली. यावेळी चारचाकी गाडीचा मालकही तिथे उपस्थित नव्हता. ही धडक एवढी जबरदस्त होती की हुंडाई आय10 गाडीचा टायर फुटला आहे. रिक्षाच्या डाव्या बाजूचे नुकसान झाले आहे. पोलिस घटनास्थळी दाखल झाले असून पंचनामा सुरू आहे.
