(देवरुख)
माजी राज्यमंत्री रवींद्र माने यांच्या ६५ व्या वाढदिवसानिमित्त कै. सौ. मीनाताई ठाकरे हायस्कूलच्या प्रबोधन सभागृहात शुक्रवारी संगमेश्वर तालुकास्तरीय चित्रकला स्पर्धा घेण्यात आली. यात ८०० विद्यार्थ्यांनी सहभाग घेतला.
स्पर्धेचे उद्घाटन संस्था कार्याध्यक्षा सौ. नेहा माने यांचे हस्ते करण्यात आले. यावेळी साडवली गावचे सरपंच राजेश जाधव, संस्थेचे प्रद्युम्न माने, फार्मसी कॉलेजचे प्राचार्य डॉ. अमोल खाडे, मुख्याध्यापक बी. व्ही. नलावडे तसेच अन्य मान्यवर उपस्थित होते. सदरची स्पर्धा यशस्वी करण्यासाठी प्रशालेचे शिक्षक-शिक्षकेतर कर्मचारी यांचे सहकार्य लाभले. स्पर्धा पहिली ते दहावी अशा पाच गटात शुक्रवारी संपन्न झाली.
या स्पर्धेसाठी एकूण ८०० विद्यार्थ्यांनी विक्रमी नोंदणी केली अाहे. सदर स्पर्धेत गटवार यशस्वी होणाऱ्या प्रथम पाच विद्यार्थ्यांचा सत्कार १५ ऑगस्ट रोजी सकाळी ९.३० वा. मीनाताई ठाकरे हायस्कूल येथे संपन्न होणार आहे.
फोटो – चित्रकला सहभागी झालेला विद्यार्थी वर्ग
