( मकरंद सुर्वे / संगमेश्वर )
संगमेश्वर तालुक्यातील माखजन इंग्लिश स्कूलची विद्यार्थिनी कुमारी समता सुनील जाधव हिला मानाचा सर्वोत्तम विद्यार्थी गोडबोले पुरस्कार नुकताच जाहीर झाला आहे.
चतुरंग प्रतिष्ठान तर्फे दिला जाणारा हा मानाचा पुरस्कार रविवार दिनांक 15 जानेवारी रोजी मान्यवरांच्या उपस्थितीत दिला प्रदान करण्यात येणार आहे. प्रशस्तीपत्रक, पुस्तके, शिल्ड असे पुरस्काराचे स्वरूप आहे. या पूर्वी तालुका, जिल्हा, राज्य स्तरावर तिला निबंध स्पर्धेत प्रशस्ती पत्रके मिळालेली आहेत. तसेच वक्तृत्व, कथाकथन स्पर्धेतही तिने प्रावीण्य मिळवले आहे. या तिच्या यशाबद्दल शाळेच्या मुख्याध्यापक सौ. रुही पाटणकर माखजन शिक्षण प्रसारक मंडळाचे अध्यक्ष श्री.आनंद साठे यांनी कौतुक केले आहे. तसेच गाव व परिसरातून तिच्यावर अभिनंदनाचा वर्षाव होत आहे.
