(मुंबई/किशोर गावडे)
ठाणे पश्चिम येथील मानपाडा, खेवरा सर्कल जवळील व्हॅली टॉवर मधील महावितरणच्या हाय टेन्शन वायरला शॉर्टसर्किट होऊन आग लागली. त्यानंतर हाय टेन्शन वायर तुटून खाली पडली. सदर दुर्घटना काल दिनांक १३ सप्टेंबर रोजी रात्री ९:३५ वाजताच्या सुमारास घडली आहे. आपत्ती व्यवस्थापन कक्षामध्ये प्राप्त झालेल्या माहितीनुसार मानपाडा, खेवरा सर्कल जवळ, ठाणे (प.) येथे व्हॅली टॉवर मधील महावितरणच्या हाय टेन्शन वायरला शॉर्टसर्किट होऊन आग लागली होती.
सदर घटनास्थळी महावितरण विभागाचे कर्मचारी, आपत्ती व्यवस्थापन विभागाचे कर्मचारी, अग्निशमन दलाचे जवान १- फायर वाहनासह हजर झाले. सदर घटनेत कोणालाही दुखापत झालेली नाही. महावितरण विभागाचे कर्मचारी यांनी सदर ठिकाणचा विद्युत पुरवठा खंडीत केला व उर्वरित काम सकाळी करण्यात येणार असल्याचे सांगितले.
