(देवरूख)
सामाजिक कार्यकर्ते, माहितीचा अधिकार कार्यकर्ता महासंघ मुंबई चे संगमेश्वर तालुक्याचे अध्यक्ष, महाराष्ट्र समविचारी मंच रत्नागिरीचे संगमेश्वर तालुका अध्यक्ष, रत्नागिरी जिल्हा क्रिकेट असो- रत्नागिरीचे सहसचिव, संगमेश्वर तालुका क्रिकेट असोसिएशन संगमेश्वरचे अध्यक्ष, त्याचप्रमाणे मयुर स्पोर्ट्स अकॅडमी देवरूखचे अध्यक्ष मनोहर गुरव यांना “नवराष्ट्र” रत्नागिरी सन्मान सोहळ्यामध्ये आदर्श सामाजिक कार्यकर्ता पुरस्कार करिता निवड करण्यात आली आहे. या निवडीबद्दल त्यांचे अभिनंदन केले जात आहे.
गेली अनेक वर्षे त्यांनी सामाजिक, क्रीडा क्षेत्रात उल्लेखनीय कार्य केलेले असून अनेक संघाचे प्रतिनिधित्व केले आहे. त्यांना यापूर्वीही सामाजिक कार्यासाठी अनेक पुरस्कार मिळालेले आहेत. आज दिनांक 29 मे 23 रोजी सावरकर नाट्यगृह रत्नागिरी येथे त्यांना सन्मानित करण्यात येणार आहे.
