( रत्नागिरी )
रत्नागिरी शहरानजीकच्या मजगांव येथील शैक्षणिक तारा म्हणून ओळखले जाणारे महंमद सय्यद नुकतेच सेवानिवृत्त झाले. त्यांच्या शैक्षणिक वाटचालीची सुरुवात उप. शिक्षक या पदापासून झाली. पुढे ते पदवीधर शिक्षक आणि त्यानंतर केंद्र प्रमुख पद उत्तम प्रकारे पार पाडले. त्यांच्या मनमिळाऊपणा मुळे छोट्या छोट्या विद्यार्थ्यां पासून शिक्षक तसेच अधिकाऱ्यांच्या मनात स्थान निर्माण केले. आपल्या कर्तव्यात त्यांनी केव्हाच कसूर केली नाही. सर्व शिक्षकांना प्रेमाने आपलेसे करुन शैक्षणिक गुणवत्ता वाढविण्यासाठी अहोरात्र मेहनत घेतली.
सय्यद सरांचा सेवानिवृत्ती समारोप पावस गोळप केंद्राच्या वतीने अत्यंत दिमाखात एखाद्या सणासारखा साजरा करून त्यांच्या भावी आयुष्यास असंख्य भेटवस्तू तसेच शुभेच्छा देऊन कार्यक्रम अविस्मरणीय करण्यात आला. या
कार्यक्रमासाठी जिल्हा परिषदेचे अनेक पदाधिकारी, अधिकारी, मित्रमंडळी, शिक्षक तसेच अनेक पालकांच्या साक्षीने सर्वांचे लाडके आदरणीय केंद्रप्रमुख सय्यद सरांना सेवानिवृत्तीचे अमृत पाजण्यात आले. या वेळी पावस गोळप केंद्राच्या वतीने त्यांच्या कार्याची पुस्तिका छापून प्रसिद्ध केली गेली.
