(मंडणगड)
मंडणगड तालुक्यातील केळवत घाटात विदेशी दारुची वाहतूक करणार्‍या एकाला वाहनासह पोलिसांनी ताब्यात घेतले. त्याच्याकडे सुमारे 1 लाख 10 हजार 40 रुपयांची मुद्देमाल सापडून आला.
पोलिसांनी दिलेल्या माहितीनुसार, जगदीश मालुसरे (48, मंडणगड) हा बिगरपरवाना विदेशी दारुची वाहतूक करत असल्याची पोलिसांना माहिती मिळाली होती. त्यानुसार पोलिसांनी केळवत घाटात त्याला दारुसह ताब्यात घेतले.
त्याच्याकडे 2130 रुपयांच्या मापाच्या दुबर्ग बिअरच्या 12 बाटल्या, 3720 रुपयांच्या लंडन पिल्सनरच्या 14 बाटल्या, 2160 रुपयांच्या किंगफिशरच्या 12 बाटल्या, 2520 रुपयांच्या किंगफिशरचे 24 टीन, 7680 रुपयांच्या मॅकडोल नं. 1 व्हिस्कोच्या 48 बाटल्या, 1800 रुपये किंमतीच्या रोमानोव्ह बोडकाच्या 10 बाटल्या, 90 हजार रुपयेे किंमतीची इंडिगो गाडी असा एकूण 1 लाख 10 हजार 40 रुपयांचा मुद्देमाल जप्त केला. याबाबतचा अधिक तपास चव्हाण करत आहेत.
