( मंडणगड/ प्रतिनिधी )
मंडणगड तालुक्यातील किंजळघर येथे सोलार पॅनल व काजूच्या रोपांची 20 हजार रुपयांची चोरी झाल्याची घटना 13 ते 14 जुलै दरम्यान घडली. याबाबतची फिर्याद सिध्दार्थ शेणॉय (36, माटुंगा, मुंबई) यांनी मंडणगड पोलीस स्थानकात दिली.
पोलिसांनी दिलेल्या माहितीनुसार, सिध्दार्थ शेणॉय यांच्या किंजळघर येथील मालकीच्या जमिनीत असलेला सोलार पॅनल व 50 वेंगुर्ला काजू रोपांची अज्ञाताने चोरी केली. 15 हजार रुपये किंमतीचा लक्ष्मी सोलार पॅनल व 5 हजार रुपयांच्या काजू असा एकूण 20 हजार रुपयांचा माल अज्ञाताने चोरुन नेला अशी फिर्याद सिध्दार्थ यांनी पोलीस स्थानकात दिली आहे. त्यानुसार अज्ञातावर गुन्हा दाखल करण्यात आला आहे.
