(मंडणगड)
शहरातील आशापुरा स्वीटस् काॅर्नर बेकरीला शुक्रवारी मध्यरात्रीच्या दरम्यान आग लागून संपूर्ण दुकान जळून खाक झाले. ही आग शाॅर्टसर्किटने लागल्याचा अंदाज आहे. या आगीत १० ते १२ लाखांचे नुकसान झाल्याचा अंदाज आहे. ही घटना काल, शुक्रवारी (दि.१७) मध्यरात्री १:३० वाजण्याच्या दरम्यान घडली. आगीमुळे शहरात आगीचे तांडव पाहायला मिळाले.
मंडणगड शहरातील मुख्य चौकातील व शासकीय धान्य गोदामाच्या नजीक जिवाराम चाैधरी यांच्या मालकीची आशापुरा बेकरी आहे. या बेकरीला मध्यरात्री आग लागली. आग आटाेक्यात आणण्यासाठी खेड येथील अग्नीशमन यंत्रणेला बाेलावण्यात आले. मात्र, त्यापूर्वी आगीत बेकारीचे पदार्थ, काऊंटर, सर्व फर्निचर व अन्य वस्तू जळून खाक झाले होते.
