( लांजा / प्रतिनिधी )
लांजा तालुक्यातील अंजणारी पुलाजवळ कंटेनर पलटी होऊन अपघात झाल्याची घटना नुकतीच घडली आहे. या अपघातात कंटेनर चालक जखमी झाला आहे. जखमी चालकाला उपचारासाठी रुग्णालयात दाखल करण्यात आले आहे. अपघात स्थळी पोलिस दाखल झाले आहेत.
सविस्तर वृत्त असे की, गोव्याहून मुंबईच्या दिशेने जाणाऱ्या कंटेनर आज सोमवार 26 सप्टेंबर रोजी सकाळी 12.30 वाजण्याच्या सुमारास अपघात झाला. चालकाचे गाडीवरील नियंत्रण सुटल्याने अंजणारी येथील पुलाजवळ कंटेनर पलटी झाला. कंटेनरच्या दर्शनी भागाचे नुकसान झाले आहे. यामध्ये चालक जखमी झाला. रस्त्यावर ऑईल पडले होते. अपघाताच्या मोठ्या आवाजामुळे परिसरात नागरिकानी याठिकाणी गर्दी केली होती. वाहन चालकाला बाहेर काढण्यात मदत करण्यात आली. अपघातानंतर एकेरी वाहतूक सुरू होती.
