( पुणे )
आपल्या अस्खलित भाषणाने आणि वेगळेपणाने प्रसिद्ध असलेले बिग बॉस फेम अभिजित बिचुकले यांचा पुण्यात अपघात झाला. या अपघातात त्यांच्या डोक्याला दुखापत झाली आहे. त्यांच्या सोबत प्रवास करणारे ४ मित्र देखील जखमी झाले आहेत. या अपघातानंतर बिचकुले यांना खासगी रुग्णालयात दाखल करण्यात आलं. त्यांच्यावर प्राथमिक उपचार करुन डॉक्टरांनी त्यांना विश्रांतीचा सल्ला दिला आहे. खासगी रुग्णालयात उपचार घेतल्यानंतर त्याला सोडण्यात आले
अभिजित बिचुकले मुळचे सातारा शहरातील आहेत. मात्र पेढ्याच्या व्यवसायाच्या निमित्ताने ते पुण्यात राहतात. पुण्यातील शुक्रवार पेठेत त्यांचं पेढ्याचं दुकान आहे. दररोज पुणे शहरात त्यांचं हिंडणं-फिरणं असतं. मंगळवारी दुपारी शहरातच प्रवासादरम्यान त्यांच्या कारला अपघात झाला. त्यांच्या गाडीत त्यांचे ४ मित्र प्रवास करत होते. चौघांनाही किरकोळ दुखापत झाली, प्राथमिक उपचारानंतर डॉक्टरांनी त्यांना विश्रांतीचा सल्ला दिला आहे.
अभिजित बिचुकले यांनी राजकारणाच्या मैदानात देखील नशीब आजमावलं आहे. सातारा विधानसभा आणि लोकसभा निवडणुकीच्या रिंगणात आणि त्यांच्या पत्नीने उमदेवारी अर्ज दाखल करत नशीब आजमावलं होतं. राष्ट्रपती निवडणुकीसाठी देखील बिचुकले यांनी तयारी केली होती. महाराष्ट्रातील राजकारणावर आणि मुद्द्यांवर तो परखड भाष्य करण्यासाठी ते ओळखले जातात.
