(खेड / भरत निकम)
खेड तालुक्यातील खेड-दापोली मार्गावरील फुरुस स्टॅण्डवर मटका जुगार खेळणाऱ्या इसमाला पोलीसांनी अटक केली आहे.
फुरुस थांब्यावर स्वामी समर्थ वडापावच्या बाजूला बसून संजय धोडू साळवी (३५, रा. फुरुस चौगुलेवाडी) हा इसम मटका जुगार खेळवित असे. शुभ अंक घेऊन आकड्यांवर पैसे लावत होता, याची माहिती मिळाल्याने पोलीस शिपाई कृष्णा बांगर यांनी १ हजार १५५ रक्कमेसह ताब्यात घेतले. पोलीस ठाण्यात आणून त्याच्या विरोधात गुन्हा रजिस्टर नंबर २४९ प्रमाणे महाराष्ट्र जुगार कायदा १२ (अ) नूसार कारवाई केली. याप्रकरणी पुढील तपास पोलीस करीत आहेत
