(गणपतीपुळे / वैभव पवार)
मराठी चित्रपट सृष्टीतील प्रसिद्ध अभिनेते तथा सुपरस्टार म्हणून ओळखले जाणाऱ्या सचिन पिळगावकर यांनी नुकतीच गणपतीपुळे तीर्थक्षेत्राला भेट दिली. यावेळी या भेटीत त्यांनी गणपतीपुळे तीर्थक्षेत्र आणि जागतिक दर्जाचे पर्यटन म्हणून असलेल्या गणपतीपुळेच्या निसर्ग सौंदर्य परिसराची पाहणी केल्याने “नवरा माझा नवसाचा” या सुपरहिट मराठी चित्रपटानंतर नवीन चित्रपट सचिन पिळगावकर गणपतीपुळ्यात काढून पुन्हा एकदा गणपतीपुळ्याच्या पर्यटनाला नवी चालना देणार असल्याबाबतची उत्सुकता संपूर्ण गणपतीपुळेवासियांना लागून राहिली आहे. सचिन पिळगावकर यांच्या “नवरा माझा नवसाचा” या लोकप्रिय ठरलेल्या मराठी चित्रपटाचे चित्रीकरण गणपतीपुळे तीर्थक्षेत्रात झाले होते. यावेळी गणपतीपुळेच्या महाराष्ट्र पर्यटन विकास महामंडळाच्या परिसरात व गणपतीपुळे समुद्र परिसर आणि संपूर्ण मंदिर परिसरात त्यांचे चित्रीकरण झाल्याने नवरा माझा नवसाचा हा चित्रपट खूप मोठ्या प्रमाणात गाजला आणि त्यामुळे या चित्रपटाला चांगल्या प्रकारे रसिकांची प्रसिद्धी देखील मिळाली.
नवरा माझा नवसाचा चित्रपटामुळे गणपतीपुळे येथील पर्यटन क्षेत्राला खऱ्या अर्थाने चालना मिळाली आणि खऱ्या अर्थाने पर्यटक हे नवरा माझा नवसाचा याच चित्रपटामुळे गणपतीपुळ्यात अधिक प्रमाणात वाढल्याचे मत सर्वच पर्यटनप्रेमी व जाणकार पर्यटन व्यावसायिकांकडून व्यक्त केले जाते. खऱ्या अर्थाने हा चित्रपट प्रदर्शित झाल्यापासून गणपतीपुळ्यात मोठ्या प्रमाणात पर्यटकांची संख्या वाढू लागली आहे. याचाच एक भाग म्हणून आता सचिन पिळगावकर पुन्हा एकदा आपला नव्या चित्रपटाच्या चित्रीकरणादरम्यान गणपतीपुळे पर्यटन स्थळाची पाहणी करण्यासाठी गणपतीपुळे येथे आल्याचे मत व्यक्त केले जात आहे. त्यामुळे नक्की कुठला आगामी चित्रपट प्रदर्शित करण्यासाठी सचिन पिळगांवकर गणपतीपुळे येथे चित्रिकरण करणार, याविषयी उत्सुकता आता सर्वांमध्येच लागून राहिली आहे.
एकूणच गणपतीपुळे येथील भेटीत नवीन चित्रपटाच्या चित्रीकरणासाठीच अधिक माहिती घेण्यासाठी सचिन पिळगावकर शुक्रवारी आल्याचे खात्रीलायक बोलले जात आहे. गणपतीपुळे येथे शुक्रवारी सचिन पिळगावकर यांनी भेट दिल्यानंतर त्यांचा यथोचित सन्मान गणपतीपुळे देवस्थान समितीतर्फे देवस्थानचे पंच अमित मेहेंदळे, डॉ. श्रीराम केळकर, निलेश कोल्हटकर, विद्याधर शेंडे यांच्या प्रमुख उपस्थितीत स्वयंभू गणपती मंदिराची प्रतिमा भेट देऊन करण्यात आला. या भेटीत सचिन पिळगावकर यांनी नवरा माझा नवसाचा या आपल्या पहिल्या चित्रपटाचे चित्रिकरण गणपतीपुळे येथे झाल्यानंतर त्यावेळी आलेले अनुभव आणि याच ठिकाणी नव्या चित्रपटाच्या चित्रकारणाविषयी विषयी देवस्थानच्या पंचमंडळींशी चर्चा केली. यावेळी त्यांनी देवस्थानच्या समाजोपयोगी स्तुत्य उपक्रमांचे विशेष कौतुक केले.
