उद्योगपती मुकेश अंबानी यांचे धाकटे सुपुत्र अनंत यांच्या लग्नाची तारीख समोर आली असून, पुढील वर्षी जुलैमध्ये सूनबाईचे अँटिलियामध्ये आगमन होणार आहे. अनंत अंबानी आणि राधिका मर्चेंट पुढच्या वर्षी 10, 11, 12 जुलै रोजी लग्नाच्या बंधनात अडकणार आहेत. ही बातमी ऐकल्यानंतर अंबानी कुटुंबाच्या चाहत्यांना प्रचंड आनंद झाला आहे. कारण ते गेल्या अनेक दिवसांपासून अनंत आणि राधिकाच्या लग्नाची प्रतीक्षा करीत होते.
बिझनेसमॅन मुकेश अंबानी आणि नीता अंबानी यांचा सगळ्यात लहान मुलगा अनंत अंबानी अनेकदा चर्चेत असतो. यंदाच्या वर्षी जानेवारी महिन्यात अनंतचा त्याची गर्लफ्रेंड राधिका मर्चेंटसोबत साखरपुडा झाला. तेव्हापासून ते दोघे अनेक कार्यक्रमांमध्ये एकत्र दिसतात. आता अनंत आणि राधिकाच्या लग्नाच्या तारखेची अखेर घोषणा करण्यात आली आहे.
या वर्षी गणेश चतुर्थीच्या निमित्तानं अंबानी कुटुंबानं एका मोठ्या कार्यक्रमाचे आयोजन केले होते. त्यांच्या या कार्यक्रमात ग्लॅमरच्या क्षेत्रातील अनेकांनी हजेरी लावली होती. मात्र, या कार्यक्रमात सगळ्यांचे लक्ष हे अनंत अंबांनी आणि राधिका मर्चेंटनं वेधलं. तर एकदा राधिका मर्चेंट आणि श्लोका मेहता यांनी पापाराझींना पोझ दिल्या. तर त्याशिवाय नीता अंबानी या त्यांच्या दोन्ही सुनांसोबत पापाराझींसमोर पोझ देताना दिसल्या.
