पाचल परिसरात वादळी वाऱ्यात विद्युत तार पडून म्हैस मृत्युमुखी

(पाचल / वार्ताहर)

राजापूर तालुक्यातील पाचल परिसरात आज सायंकाळी वादळी वाऱ्यात विद्युत् प्रवाह असणारी तार रायपटान येथील व्हाळ पडून म्हैस मृत्युमुखी पडली.

पाचल परिसरात आज सायंकाळी झालेल्या जोराच्या वाऱ्यामूळे विजेची तार रायपाटण – पाचल सीमेवरील निव्वळ व्हाळ या नदीच्या पात्रात पडून पाचल चे ग्रामस्थ श्री अरुण (बागवबा) तेलंग, पाचल नारकरवाडी या ग्रामस्थांची दुभती म्हैस जागीच मृत्यूमुखी पडली. हाती आलेल्या माहिती नुसार ज्या वेळी विजेची तार पाण्यात पडली त्या वेळेस सदर म्हैस ही पाण्यात होती, व ज्या ठिकाणी विजेची वायर पाण्यात पडली त्या ठिकाणाहून कमी अंतरावर होती, त्यामुळे वायरच्या शॉक चा जोराचा झटका पाण्याद्वारे म्हैशीला लागल्याने म्हैस जागीच ठार झाली.

सदर घटना कळताच माजी उपसरपंच श्री किशोर नारकर यांनी पंचनामा करण्यासाठी, सहाय्यक पशूधन अधिकारी श्री सुर्वे, श्री माने, तसेच MSEB चे पाचल चे उपशाखा अभियंता श्री संदीप बनगर, पाचलचे तलाठी सचिन पाटील यांना कळवली असता सदर अधिकारी तात्काळ घटना स्थळी पोचून पंचनामा केला. सदर बाबतचा रिपोर्ट वरिष्ठाना कळवण्यात आल्याचे तलाठी श्री पाटील यांच्याकडून सांगण्यात आले. यावेळी पाचल चे माजी उपसरपंच किशोर नारकर, पाचल ग्रामपंचायत चे वरिष्ठ लिपिक सुहास बेर्डे,राजू रेडीज, अमित तेलंग, शैलेश जंगम, व पाचल व रायपाटण चे ग्रामस्थ उपस्थित होते.