- (रत्नागिरी / प्रतिनिधी)
तालुक्यातील खेडशी येथील परमपूज्य बाळ सत्यधारी महाराज जन्म महोत्सव सोहळा विविध कार्यक्रमांनी साजरा करण्यात आला. यावेळी नेत्र तपासणी तसेच सलाम मुंबई व एमबीबीएस फाउंडेशन तर्फे व्यसनमुक्ती कार्यशाळा आयोजित करण्यात आली होती. परमपूज्य सद्गुरु बाळ सत्यधारी महाराज यांच्या जन्मदिनी दर्शनासाठी हजारोंनी भाविक उपस्थित होते यावेळी अनेकांनी नेत्र तपासणी शिबिराचा लाभ घेतला. त्याचवेळी सलाम मुंबई फाउंडेशन आणि मायबाप बालसेवा फाउंडेशनच्या माध्यमातून तंबाखूजन्य पदार्थ तसेच अन्य अमली पदार्थ विरोधी मासानिमित्त आरोग्यदायी सापशिडी पोस्टर प्रदर्शन पथनाट्य प्रबोधन आधी कार्यक्रमांचे आयोजन करण्यात आले होते.
गाढव सुद्धा तंबाखू खात नसेल तर आपण माणसांनी तंबाखूजन्य पदार्थांचे सेवन का करावे, असा सवाल करीत त्यांनी भक्तगणांना तंबाखू पासून तसेच अन्य अमली पदार्थांपासून अलिप्त राहण्याचा मंत्र दिला. यावेळी भक्तगणांनी जन्मदिनी शुभेच्छांऐवजी तंबाखूसह अन्य अमली पदार्थांच्या पासून अलिप्त राहण्याचे वचन द्यावे.
