(संगमेश्वर/प्रतिनिधी)
संगमेश्वर तालुक्यातील आंबेड बु येथे असणाऱ्या न्यू.व्हिजन इंग्लिश मिडीयम स्कुल आंबेड बूच्या विद्यार्थ्यांनी व पालक शिक्षकांनी एकत्रित येत रॅली काढून हर घर तिरंगा घर घर तिरंगा या उपक्रमाची जनजागृती केली आहे.
आपला देश यंदा ७५ वा स्वातंत्र्य दिनाचा वर्धापन दिन साजरा करत आहे.या अनुषंगाने शासनाकडून आझादी का अमृत महोत्सव हर घर तिरंगा ही मोहीम राबवली जात आहे.
यावेळी ढोलाच्या गजरात आझादी का अमृत महोत्सवी वर्षा निमित्त घोषणा देण्यात आल्या. तसेच घोषवाक्यांचे विविध प्रकारचे फलकही तयार करण्यात आले होते.या उपक्रमाचे औचित्य साधून चित्रकला, घोषवाक्य, निबंध, वक्तृत्व अशा विविध स्पर्धेचे आयोजन स्कूलमध्ये करण्यात आले होते. त्यामध्ये विद्यार्थी सहभागी झाले आणि त्यांनी यामध्ये उज्वल यश देखील संपादित केले आहे.
या कार्यक्रमाचे नियोजन शाळेच्या मुख्यध्यापिका नाझीमा बांगी यांच्या मार्गदर्शनाखाली शाळेचे उपमुख्याध्यपक सिमरन महालदार, सुजेन अलजी,नगमा अलजी, सारा फकीर यांनी केले. या कार्यक्रमास संस्थेचे अध्यक्ष रमजान गोलंदाज, राजेश आंबेकर, सलाउद्दीन बोट, वासुदेव लिंगायत, अन्वर गोलंदाज, वसलीम सय्यद, संतोष चव्हाण आदी संस्थेचे सभासद उपस्थित होते
