(संगमेश्वर / प्रतिनिधी )
डेरवण येथे झालेल्या तालुकास्तरीय १७ वर्षा खालील मुलींच्या खो खो स्पर्धेत न्यू इंग्लिश स्कूल खांडोत्री आबिटगाव या विद्यालयातील मुलींनी अजिंक्य पद मिळवून जिल्हा पातळीवर आगेकूच केली आहे. सलग दुसऱ्या वर्षी या विद्यालयाने तालुकास्तरीय अजिंक्य पद पटकावले आहे.या संघास विद्यालयातील क्रीडा प्रमुख सुर्व व विद्यालयाचे मुख्याध्यापक मोरे यांचे मोलाचे मार्गदर्शन मिळाले.
सह्याद्रि शिक्षण संस्थेचे पदाधिकारी तसेच सचिव महाडिक यांनी सर्वांचे अभिनंदन केले व पुढील खेळासाठी शुभेच्छा दिल्या.परीसरातुनही सर्व क्रीडाप्रेमीकडून अभिनंदनाचा वर्षाव होत आहे.
