नॅशनलच्या हायस्कूलच्या माज हमीद देसाई याची राज्यस्तरीय कॅरम स्पर्धेसाठी निवड

(दापोली)

जिल्हा क्रीडा संकुल रत्नागिरी येथे विभागस्तरीय कॅरम स्पर्धा पार पडल्या. या स्पर्धेत दापोली तालुक्यातील नॅशनल हायस्कूल व ज्युनिअर कॉलेज दापोलीचा माज हमीद देसाई याने घवघवीत यश मिळवत 19 वर्षाखालील राज्यस्तरीय कॅरम स्पर्धेसाठी पात्र झाला आहे.

त्याच्या यशाबद्दल संस्थेचे गव्हर्निंगबॉडी चेअरमन लियाकत रखांगे, सेक्रेटरी इकबाल परकार, कॉलेज कमिटी चेअरमन आरिफ मेमन, शाळा व्यवस्थापन समितीचे अध्यक्ष जावेद मणियार, मुख्याध्यापक अय्युब मुल्ला यांनी माज देसाई व त्याचे मार्गदर्शक क्रीडा शिक्षक अश्फाक खान यांचे अभिनंदन करत पुढच्या वाटचालीस शुभेच्छा दिल्या