(रत्नागिरी)
रत्नागिरी तालुक्यातील निवेंडी समता नगर येथे वास्तव्यास असलेल्या तरुण युवकाने आत्महत्या केल्याची धक्कादायक घटना घडली आहे. सदर घटना 24 जुलै 2023 रोजी सकाळी 5 ते 10:30 च्या कालावधीत घडली. चेतन अनंत कदम (वय वर्षे 23 वरची वाडी, निवेंडी समता नगर) असे आत्महत्या केलेल्या तरुणाचे नाव आहे,
सोमवारी सकाळी 5 वाजता चेतन घरात कोणालाही न सांगता घरातून निघून गेला होता, ही बाब त्याच्या नातेवाईकांना समजताच त्यांनी आजूबाजूला बराच शोध घेतला असता. परंतु तो त्यांना आढळून आला नाही.
निवेंडी पासून जवळच असलेल्या धामणसे सांबरेवाडी येथील गणपती विसर्जन करण्यात येणाऱ्या पातालीमधील पाण्यामध्ये तेथील काहींना मनुष्यदृश आकृती दिसली, ही बाब त्यांनी ग्रामपंचायत सदस्य श्री समीर सांबरे, श्री राजेंद्र डाफळे यांच्या निदर्शनास आणून दिली. त्यांनी थोडं फार निरखून पाहिले असता मनुष्य असल्याची खात्री पटली असता त्यांनी गावातील सरपंच श्री अमर राहटे यांच्या निदर्शनास आणून दिली. या प्रकरणी अधिक तपास ग्रामीण पोलिस करत आहेत.
