(रत्नागिरी)
तालुक्यातील नाणीज येथे जुना मठ ते शिवगणवाडी जाणाऱ्या रस्त्यावर उभी करून ठेवलेली दुचाकी चोरीला गेली. ही घटना रविवारी दुपारी १२ च्या सुमारास घडली. या प्रकरणी उल्हास दत्ताराम जाधव (२८, रा. आरोग्य मंदिर, रत्नागिरी) यांची. रत्नागिरी ग्रामीण पोलिसांत तक्रार दाखल केली.
पोलिसांनी दिलेल्या माहितीनुसार, १२ फेब्रुवारी २०२३ रोजी उल्हास जाधव यांनी आपल्या मालकीची दुचाकी (एमएच ०८ एएफ ५७४७) नाणीज जुना मठ ते शिवगणवाडी रस्त्यावर उभी करून ठेवली होती. दुपारी १२ च्या सुमारास चोरट्याने ही दुचाकी चोरून नेल्याचे समोर आले. त्यानुसार उल्हास जाधव यांनी रत्नागिरी ग्रामीण पोलिसांत तक्रार दाखल केली. पोलिसांनी दुचाकी चोरीप्रकरणी अज्ञात चोरट्याविरूद्ध भादंवि कलम ३७९ नुसार गुन्हा दाखल केला.
