नाणिज येथे आढळला अनोळखी मृतदेह

( प्रतिनिधी / रत्नागिरी )

तालुक्यातील नाणिज येथील नरेंद्र महाराज नवीन मठ येथील शाळेजवळ पुरुषाचा मृतदेह आढळून आला. ही घटना शुक्रवार 2 डिसेंबर रोजी दुपारी १२ वाजण्याच्या सुमारास उघडकीस आली. मृतदेह कुजलेल्या अवस्थेत आढळून आला असून मृतदेहाची ओळख पटविण्यात आलेली नाही. या घटनेची नोंद रत्नागिरी ग्रामीण पोलिसांत करण्यात आली आहे.

पोलिसांनी दिलेल्या माहितीनुसार नाणिज नवीन मठ येथील साफसफाई व गवत काढण्याचे काम दिनांक २ डिसेंबर रोजी करण्यात येत होते. दुपारी १२ वाजण्याच्या सुमारास शाळेजवळील परिसरात कामगारांना कुजलेल्या अवस्थेत मृतदेह आढळून आला. मृतदेहाची ओळख पटविण्यासाठी आवाहन करण्यात आले आहे.