(रत्नागिरी)
गोगटे जोगळेकर महाविद्यालय रत्नागिरी राष्ट्रीय सेवा योजना यशस्वी माजी विद्यार्थी यासाठी श्रीमती नाजनीन बिजापुरी- पालेकर हिला सन 2023-24 चा 95 स्नेहबंध गौरव पुरस्कार प्राचार्य डॉ प्रफुल्लदत्त कुलकर्णी यांच्या हस्ते प्रदान करण्यात आला. नाजनीन पनवेल येथे रॉयल ट्रस्ट च्या माध्यमातून 3 प्री स्कुल चालवते त्याच बरोबर अनेक समाजसेवी उपक्रम राबविले आहेत. त्याकरिता तिचा राज्यपाल यांच्या हस्ते सत्कार सुद्धा झाला आहे.
गोगटे जोगळेकर महाविद्यालय रत्नागिरी च्या राष्ट्रीय सेवा योजना विभागातून आत्मविश्वास वाढवून राज्यस्तरावरती सक्रिय काम करत असल्याने 95 मित्र परिवारातर्फे हा पुरस्कार देऊन सत्कार करण्यात आला. सदर कार्यक्रमाला प्रशासकीय उपप्राचार्य डॉ. मकरंद साखरकर उपप्राचार्य डॉ. यास्मिन आवटे डॉ.चित्रा गोस्वामी जीजेसी ९५ चे समन्वयक आणि प्राध्यापक डॉ.आनंद आंबेकर उपस्थित होते. त्याचबरोबर 95 मित्र परिवारातील कांचन फाटक, सचिन लांजेकर, राजेश जाधव, मुन्ना मयेकर, ज्योत्स्ना केळकर, राजेश मापुस्कर, संदेश कीर, नंदकिशोर गोळपकर, विद्यार्थी मंडळ सचिव कुणाल कवठेकर उपस्थित होते.
