(नवी मुंबई)
नवी मुंबईतील महापे पेट्रोलपंपाच्या शेजारी असणाऱ्या एका सात मजली इमारतीला आग लागली असल्याची घटना रविवारी (१५ ऑक्टोबर) सायंकाळी घडली आहे. आग लागताच ५ अग्निबंब घटनास्थळी दाखल झाले होते. या सात मजली इमारतीला आग लागल्यानंतर इमारत परिसरात एकच खळबळ उडाली. घटनास्थळी लोकांची गर्दी झाली होती. अग्निशमन दलाकडून आगीवर नियंत्रण मिळवण्यात यश आले. रविवार सुट्टीचा वार असल्याने कार्यलये रिकामी होती. त्यामुळे सुदैवाने मोठी दुर्घटना टळली.
तिसऱ्या मजल्याला लागलेली आग ही वेगाने चौथ्या मजल्यावर पसरली. इमारतील विविध कंपन्यांच्या कार्यालयांना आग लागली आहे. या आगीमुळे घटनास्थळी बघ्यांची एकच गर्दी जमा झाली असल्याने आगीवर नियंत्रण मिळविण्यास उशीर लागला. रविवारी सुट्टी असल्याने अनेक कार्यालय बंद होती, त्यामुळे या ठिकाणी कुठल्याही प्रकारची जीवितहानी झाली नाही. अग्निशमन दलाच्या तत्परतेमुळे जवानांना इमारतीला लागलेल्या आगीवर नियंत्रण मिळविण्यात यश आले आहे.
