(रत्नागिरी)
रत्नागिरीतील भारत शिक्षण मंडळाच्या देव, घैसास, कीर वरिष्ठ महाविद्यालयात आयक्यूएसी विभाग, इतिहास विभाग यांच्या संयुक्त विद्यमाने क्रांतीज्योती साविञीबाई फुले यांना प्रभारी प्राचार्या सौ. मधुरा पाटील यांच्या हस्ते पुष्पहार अर्पण करुन अभिवादन करण्यात आले.
सावित्रीबाई फुले जयंती दिनाचे औचित्य साधून मुलगी वाचवा, मुलगी शिकवा या विषयावर जनजागृतीपर पथनाट्याचे सादरीकरण करण्यात आले. या पथनाट्यामध्ये आदित्य पायरे, प्रणय गुरव ,साहिल बोरकर, चिन्मयी पालकर, वैष्णवी बाणे, श्वेता शिंदे, समिक्षा बिर्जे, योगिनी बापट यांनी सहभाग घेतला.
यावेळी उपप्राचार्या सौ. वसुंधरा जाधव, इतिहास विभागप्रमुख सौ. रिया बंडबे ,कला शाखा विभागप्रमुख सौ. ऋतुजा भोवड प्राध्यापक, शिक्षकेतर कर्मचारी, विद्यार्थी उपस्थित होते. कार्यक्रमाचे सूत्रसंचालन समिक्षा बिर्जे हिने केले तर इतिहास विभागप्रमुख सौ. रिया बंडबे यांनी आभार मानले.
