[ साखरपा/ दीपक कांबळे ]
जिल्हयातील पोलीस पाटील भरतीचा निकाल जाहीर झाला. संगमेश्वर तालुक्यातील तिवरे तर्फे देवळे गावच्या पोलीस पाटील पदी संतोष झिंगू कांबळे यांची निवड झाली. कांबळे यांच्या निवडीने त्यांचे दाभोळे पंचक्रोशीमधून अभिनंदन होत आहे.
संतोष कांबळे हे पदवीधर असून ते उत्तम टीव्ही टेक्निशियन आहेत. सामाजिक व धार्मिक कार्याशी त्यांचा चांगला संबंध असून कायदा आणि सुव्यवस्था याचे ते पालनकरते आहेत. आपले वडील माजी सैनिक असल्याने त्यांचा आदर्श पुढे ठेवून ते समाजापुढे आदर्शवत काम करण्याचा नेहमी प्रयत्न करीत असतात. पोलीस पाटील या पदाची जबाबदारी सुद्धा कायदा आणि माणुसकी यांची सांगड घालूनच पार पडणार असल्याचे त्यांनी पत्रकारांशी बोलताना म्हटले आहे.
संतोष कांबळे यांची पोलीस पाटील पदावर नियुक्त करण्यात आल्याने अनेकांनी प्रत्यक्ष भेट घेऊन त्यांचे अभिनंदन केले आहे तर काहींनी फोनद्वारे अभिनंदन केले आहे. एकूणच त्यांच्यावर साखरपा दाभोळे पंचक्रोशीतून अभिनंदनाचा वर्षाव होत आहे.
