(संगमेश्वर )
देवरूख- साखरपा मार्गावरील वांझोळे नजीक ट्रँव्हल्स पलटी होऊन अनेक प्रवासी जखमी झाल्याची घटना रात्री १०.३० वाजण्याच्या सुमारास घडली. अपघातात अनेकांना किरकोळ, गंभीर स्वरूपाच्या जखमा झाल्या आहेत. यामध्ये 19 जण जखमी झाल्याची माहिती मिळत आहे.
गंभीर जखमींना रत्नागिरीत तर किरकोळ जखमींना देवरूख व साखरपा येथे उपचारासाठी केले दाखल करण्यात आले आहे.
ही ट्रॅव्हल्स देवगडहून मुंबईच्या दिशेने जात होती. देवरूख- साखरपा मार्गावरील वांझोळे येथे आली असता चालकाचा गाडीवरील ताबा सुटला आणि ट्रॅव्हल्स पलटी झाली. अपघाताची माहिती मिळताच देवरूख पोलीस तातडीने दाखल झाले. पोलीस व ग्रामस्थांच्या मदतीने जखमींना उपचारासाठी देवरूख ग्रामीण रूग्णालय व साखरपा प्राथमिक आरोग्य केंद्रात करण्यात आले दाखल करण्यात आले आहे. जखमिंची नावे समजू शकलेली नाहीत.
