( संगमेश्वर / प्रतिनिधी )
तालुक्यातील दाभोळे येथे आर डी सामंत कन्स्ट्रक्शनच्या मालकीच्या ट्रेलरमधील बॅटर्‍या चोरीस गेल्याची घटना 5 जानेवारी सायं. 4 ते 16 जानेवारी रात्री 9.30 वा. च्या सुमारास घडली. याबाबतची फिर्याद मंगेश रमेेश सकपाळ (35, ट्रेलर चालक, दाभोळे, संगमेश्वर) याने देवरुख पोलीस ठाण्यात दिली.
पोलिसांनी दिलेल्या माहितीनुसार, मंगेश सकपाळ याने आर डी सामंत कन्स्ट्रक्शनचा ट्रेलर (एमएच08,एपी 7254) हा 5 जानेवारी रोजी सायंकाळी दाभोळे येथे उभा करुन ठेवला होता. या उभ्या डंपरच्या 10 हजार रुपये किंमतीच्या 12 व्होल्टच्या एक्साईड कंपनीच्या दोन पांढर्‍या बॅटर्‍या अज्ञाताने चोरुन नेल्या. चालक मंगेश याच्या ही बाब लक्षात आल्यानंतर त्याने 16 जानेवारी रोजी रात्री देवरुख पोलीस ठाण्यात फिर्याद दाखल केली. त्यानुसार पोलिसांनी अज्ञातावर भादविकलम 379 नुसार गुन्हा दाखल केला आहे.
