(गुहागर)
शाळेतून रस्त्याने चालत जाताना गुहागरकडून श्रृंगारतळीकडे येणाऱ्या दुचाकीस्वाराने शाळकरी मुलीला धडक देत फरपटत नेले. यामध्ये मुलगी गंभीर जखमी झाली. तिला पुढील उपचारासाठी चिपळूण येथे नेण्यात आले. हा अपघात पाटपन्हाळे हायस्कूलसमोर शुक्रवारी सायंकाळी घडला.
वेळंबपांगरी तांबेवाडी येथील सिद्धी तांबे ही मुलगी पाटपन्हाळे हायस्कूलमध्ये आठवीमध्ये शिकते. नेहमीप्रमाणे सायंकाळी ४:३० वाजता शाळा सुटल्यावर ती बस पकडण्यासाठी रस्ता ओलांडत होती. यादरम्यान गुहागरकडून श्रृंगारतळीकडे येणाऱ्या दुचाकीस्वाराने तिला धडक दिली. ही धडक इतकी जबरदस्त होती की, ती दुचाकीसह फरफटत गेली. यामध्ये तिला गंभीर दुखापत झाली असून, या अपघाताची नोंद पोलिस स्थानकात केली आहे.
