सामना रंगतदार वळणावर असताना या ऐतिहासिक सामन्याच्या ट्रॉफी अनावरण सोहळ्यासाठी बॉलीवूड अभिनेत्री दीपिका पादुकोणला निमंत्रण देण्यात आलं होतं. ट्रॉफीचं अनावरण करणारी दीपिका फक्त बॉलीवूडमधीलच नव्हे तर जगातील पहिली अभिनेत्री बनली आहे.
दीपिकाच्या ‘पठाण’ सिनेमातील ‘बेशरम रंग’ हे गाणं रिलीज झाल्यापासून हा सिनेमा वादाच्या भोवऱ्यात अडकला आहे. एकीकडे हे गाणं चाहत्यांच्या पसंतीस उतरत आहे. तर दुसरीकडे या गाण्यात दीपिकाने घातलेल्या बिकीनीच्या रंगावर आक्षेप घेतला जात आहे.
बॉलिवूड अभिनेत्री दीपिका पादुकोण सध्या ‘पठाण’ सिनेमातील ‘बेशरम रंग’ या गाण्यामुळे चर्चेत आहे. या सिनेमाच्या वादादरम्यान तिने फिफा विश्वचषकाच्या अंतिम सामन्यात हजेरी लावली आहे. सोशल मीडियावर दीपिकाचे फोटो व्हायरल होत आहेत.
बॉलिवूडचा बादशाह शाहरुख खान आणि दीपिका पादुकोणचा आगामी ‘पठाण’ हा सिनेमा 25 जानेवारीला प्रेक्षकांच्या भेटीला येणार आहे. सिद्धार्थ आनंदने या सिनेमाच्या दिग्दर्शनाची धुरा सांभाळली आहे. वादाच्या भोवऱ्यात अडकलेल्या या सिनेमाची शाहरुख-दीपिकाचे चाहते आतुरतेने वाट पाहत आहेत.
