(खेड / प्रतिनिधी)
दि.६ व ७ जानेवारी २०२३ जवाहरलाल नेहरू स्टेडियम दिल्ली येथे होणाऱ्या ५ व्या राष्ट्रीय दिव्यांगजन क्रीडा स्पर्धेकरीता आंतरराष्ट्रीय खेळाडू व प्रशिक्षक प्रशांत सावंत यांच्या मार्गदर्शना खाली दिव्यांग युवा क्रीडा प्रतिष्ठान रत्नागिरी या संस्थेचे खेळाडू सागर आईनकर (दापोली), जनार्दन पवार (संगमेश्वर), मंगेश चांदणे (खेड), हर्षद चव्हाण (खेड ) हे दिव्यांग खेळाडू महाराष्ट्र संघाचे प्रतिनिधित्व करणार आहेत.
खेळाडूंच्या या निवडीबद्दल दिव्यांग युवा क्रीडा प्रतिष्ठान रत्नागिरी यांचे पदाधिकारी कौस्तुभ बुटाला, सुनिल शिंदे, मंगेश कडवईकर, रेणुका गोरीवले, पांडुरंग नाचरे, पल्लवी सावंत, प्रज्ञा जंगम, राजेश धारीया, गंगाराम आखाडे, मंदार खैर, एकनाथ जोशी, अल्पेश तावडे, संदीप आखाडे, संतोष मालशे यांनी शुभेच्छा दिल्या.
