(संगमेश्वर/प्रतिनिधी)
तालुक्यातील आंबेड बु. शिगवणवाडी येथे आज त्रिमुख देवी साई कृपा सेवा मंडळातर्फे 14 मे ते 15 मे दरम्यान साई भंडारा उत्सव कार्यक्रमाचे आयोजन करण्यात आले आहे.
14 मे रोजी सकाळी 6 वा. काकड आरती, स. 9 वा. साई अभिषेक, सकाळी 11 वा. सार्वजनिक नळपाणी योजना उद्घाटन सोहळा होणार आहे. याचे उद्घाटन सुनील विजय नारकर ट्रस्ट देवरुखच्या अध्यक्षा स्नेहल नेेने यांच्या हस्ते होणार आहे.
15 मे रोजी सकाळी 6 वा. काकडआरती, स. 9 वा. सत्यनारायण महापूजा, दु. 12 वा. साई महाप्रसाद, सायं. 4 वा. हळदीकुंकू समारंभ, सायं. 6 वा. पालखी मिरवणूक, सायं. 7 वा. दीपोत्सव व नित्य आरती, रात्री 10 वा. बहुरंगी नमन असे कार्यक्रम होणार आहेत. या कार्यक्रमाला उपस्थित राहण्याचे आवाहन वाडीप्रमुख शिवराम शिगवण, सखाराम शिगवण तसेच ग्रामस्थ त्रिमुख देवी साई कृपा सेवा मंडळ, शिगवणवाडी यांनी केले आहे.
