(आग्रा)
आग्र्यात ताजमहाल पाहण्यासाठी आलेल्या एका पर्यटकाला बेदम मारहाण करण्यात आल्याची घटना घडली आहे. या मारहाणीची संपूर्ण घटना त्या ठिकाणी असलेल्या सीसीटीव्ही कॅमेऱ्यात कैद झाली आहे. पोलिसांनी या मारहाणीप्रकरणी 5 जणांना अटक केली आहे. गाडीला टच झाल्यामुळे गुंडांनी पर्यटकाला काठीने बेदम मारहाण केली आहे. या प्रकरणी पोलिसांनी गुन्हा दाखल करत पाच जणांना अटक केली आहे तर बाकी आरोपींचा शोध सुरु आहे.
ताजगंजच्या बसई चौकी क्षेत्रात ही मारहाणीची घटना घडली आहे. दिल्लीत राहणारा एक पर्यटक आग्र्यात ताजमहाल पाहण्यासाठी आला. त्यावेळी त्याची गाडी परिक्रमा करण्यासाठी आलेल्यांना धडकली. यामुळे संतप्त झालेल्या 15 ते 16 जणांच्या गटाने काठीने त्या पर्यटकावर हल्ला केला. यावेळी हल्ल्यातून वाचण्यासाठी पर्यटक जवळच्याच एका दुकानात शिरला. त्या ठिकाणीदेखील गुंडानी दुकानात घुसून त्या पर्यटकाला मारहाण केली आहे. ही संपूर्ण मारहाणीची घटना दुकानात असलेल्या सीसीटीव्ही कॅमेऱ्यात कैद झाली आहे.
#WATCH | Uttar Pradesh: A tourist, who had come to visit the Taj Mahal, was brutally thrashed with sticks inside a shop in Agra. The assault was captured on CCTV & the video of the incident has gone viral on social media. pic.twitter.com/qk0yHuhHIw
— ANI (@ANI) July 18, 2023
या व्हिडिओमध्ये चार ते पाच जण पर्यटकाला घेरून काठीने बेदम मारहाण करताना दिसत आहेत. सीसीटीव्ही फूटेज व्हायरल झाल्यानंतर पोलिसांनी या प्रकरणाची गंभीर दखल घेत आरोपींची ओळख पटवून 5 जणांना अटक केली आहे तर इतर आरोपींचा शोध सुरू आहे.
