(जाकादेवी / वार्ताहर)
रत्नागिरी तालुक्यातील मालगुंड एज्युकेशन सोसायटीचे माजी चेअरमन कै. डॉ. नानासाहेब मयेकर यांच्या जयंतीनिमित्त डॉ. नानासाहेब मयेकर फाउंडेशन मालगुंडतर्फे गुरुवार दि. ३० नोव्हेंबर रोजी विविध क्रीडा स्पर्धांचे आयोजन करण्यात आले असून सदरच्या स्पर्धा चाफे येथील मोहिनी मुरारी मयेकर कला व वाणिज्य महाविद्यालय चाफे येथे आयोजित करण्यात आल्या आहेत.
या स्पर्धेमध्ये शालेय स्तरावर होणार आहेत. यामध्ये खो खो, कबड्डी, रस्सीखेच, बुद्धिबळ, कॅरम तसेच १०० मीटर २०० मीटर धावणे, समालोचन अशा विविध नावीन्यपूर्ण आणि उत्साही स्पर्धांचे आयोजन करण्यात आले आहे.
प्रत्येक स्पर्धेमधून प्रथम क्रमांक काढण्यात येणार आहेत. सदर स्पर्धेत सर्वाधिक गुण मिळवलेल्या शाळेला बहुमानाची डॉ. नानासाहेब मयेकर जनरल चॅम्पियनशिप देण्यात येणार आहे. तरी जास्तीत जास्त विद्यार्थ्यांनी या स्पर्धेत सहभाग घ्यावा ,असे आवाहन डॉ. नानासाहेब मयेकर फाउंडेशन मालगुंड पुरस्कृत मोहिनी मुरारी शिक्षण संस्था तसेच मालगुंड एजुकेशन सोसायटी मालगुंड यांच्यावतीने करण्यात आले आहे.
