( खेड / प्रतिनिधी )
मुंबई-गोवा महामार्गावरील लोटे एमआयडीसी समोर टेम्पो चालकाने विरुध्द दिशेला जावून चारचाकी गाडीला (नाव माहित नाही) धडक दिल्याने टेम्पोमधील 3 व अन्य एकजण जखमी झाल्याप्रकरणी चालकावर गुन्हा दाखल करण्यात आला आहे. योगेश वासुदेव आंब्रे (खेड) असे गुन्हा दाखल करण्यात आलेल्या चालकाचे नाव आहे. याबाबतची फिर्याद सुदीप चव्हाण (42, पालपेणेराड, शृंगारतळी, गुहागर) यांनी खेड पोलीस स्थानकात दिली.
पोलिसांनी दिलेल्या माहितीनुसार, टेम्पो चालक योगेश आंब्रे हा आपल्या ताब्यातील टेम्पो गोव्याहून मुंबईला जात असताना विरुध्द दिशेला जावून चारचाकीला धडक दिली. या धडकेत दोन्ही वाहनांचे नुकसान झाले. तसेच फिर्यादी चव्हाण यांची बहीण व अन्य तिघेजण असे असे चारजण जखमी झाले. याप्रकरणी टेम्पो चालक योगेश आंब्रे याच्यावर भादविकलम 279, 337, 338 मोटर वाहन कायदा कलम 184 नुसार गुन्हा दाखल करण्यात आला आहे.
