(संगमेश्वर)
संगमेश्वर तालुक्यातील संगमेश्वर रामपेठ मापारी मोहल्ला येथील रहिवासी तसेच साप्ताहिक पोलीस तपासचे ज्येष्ठ पत्रकार श्री बशीर अली खान यांचे शुक्रवार दि ६ -०१ – २०२३ रोजी पहाटे १ च्या सुमारास त्यांच्या राहत्या घरी निधन झाले. त्यांचे वय ६४ वर्ष होते.
गेली अनेक वर्ष ते सामाजिक काम करीत होते. त्यांनी कोरोना काळात गोर-गरीब जनतेसाठी उल्लेखनीय असे कार्य केले. त्यांच्या निधनाची बातमी कळताच अनेकांनी सोशल मीडियाच्या माध्यमातून त्यांना श्रद्धांजली वाहिली आहे. बशीर खान यांच्या निधनाने तालुक्यामध्ये हळहळ व्यक्त करण्यात येत आहे.
बशीर खान यांच्या पश्चात दोन मुली , एक मुलगा , एक सून व एक पत्नी असा परिवार आहे.
