जैतापूर : येथील जैतापूरचा राजा सार्वजनिक गणेशोत्सव मंडळाच्या अध्यक्षपदी राकेश दांडेकर तर सचिवपदी सुनील करगुटकर यांची सर्वानुमते निवड करण्यात आली आहे.
राजापूर तालुक्यातील जैतापूर बाजार पेठेतील गणेश चौक येथे गेल्या 21 वर्षांपासून सार्वजनिक गणेशोत्सव साजरा केला जातो सुरुवातीला नेहरू युवा मंडळाच्या माध्यमातून तत्कालीन संस्थापक अध्यक्ष कै. सचिन नारकर आणि विद्यमान सल्लागार जैतापूरचे माजी सरपंच गिरीश करगुटकर यांच्या संकल्पनेतून आणि पुढाकाराने हा उत्सव सुरू करण्यात आला होता गेले एकवीस वर्ष अव्याहतपणे विविध उपक्रमांच्या आयोजनाने हा उत्सव अत्यंत उत्साहात साजरा होत असतो.
अनेक तालुका, जिल्हा, राज्य स्तरावर पर्यंतची विविध पुरस्कार व बक्षिसे या या मंडळाला प्राप्त ही झालेली आहेत. विविध उपक्रमांच्या आयोजनाने अत्यंत उत्साहात साजरा होणारा हा उत्सव मात्र गेल्या वर्षी आणि यावर्षी असलेल्या कोरोना संकट आणि प्रतिबंधात्मक नियमावली याचा विचार करता सर्व नियम पाळून अत्यंत साधेपणाने साजरा करण्याचा निर्णय नुकत्याच झालेल्या बैठकीत करण्यात आला. मंडळाच्या सदस्य आणि जैतापूर महात्मा गांधी तंटामुक्त समितीच्या माजी अध्यक्षा दीपा मांजरेकर यांच्या अध्यक्षतेखाली या मंडळाची सभा नुकतीच जैतापूर येथे संपन्न झाली.
या सभेमध्ये यावर्षीच्या उत्सवासाठी नव्याने कार्यकारिणीची निवड करण्यात आली असून अध्यक्षपदी राकेश दांडेकर, उपाध्यक्षपदी भर्तृहरी भाटकर, सचिवपदी सुनील करगुटकर तर खजिनदार म्हणून वासुदेव नारकर यांची बिनविरोध निवड करण्यात आली आहे. तर कार्यकारणी सदस्य म्हणून श्रीमती शैलजा माजरेकर, सौ. दीपा मांजरेकर, सौ. रेशम लाड, श्रीमती मंगल मयेकर, सौ. सिद्धी शिर्सेकर, गजानन करमळकर निलेश पालकर यांची निवड करण्यात आली आहे.
सभेमध्ये या वर्षीचाही उत्सव अत्यंत साधेपणाने आणि सर्व नियमांचे पालन करून परंतु उत्साहात साजरा करण्यात यावा असे ठरविण्यात आले आहे. या सभेला मंडळाचे सदस्य आणि सल्लागार गिरीश करगुटकर, दिवाकर आडविरकर ,राजन लाड, राजेंद्र प्रसाद राऊत , दशरथ चाळके, हर्षद मांजरेकर विक्रांत नारकर ,महेश नारकर, प्रसाद करगुटकर ,दीपक नंदुरबारे, संदीप चव्हाण अलंकार मयेकर ,चेतन नारकर,तन्मय मांजरेकर, अमित नारकर आदी सदस्य उपस्थित होते.
