(तरवळ / अमित जाधव)
रत्नागिरी तालुक्यातील मालगुंड एज्युकेशन सोसायटीच्या तात्यासाहेब मुळ्ये माध्यमिक विद्यालय व बाबाराम पर्शराम कदम कनिष्ठ महाविद्यालय जाकादेवी येथिल जेष्ठ कला शिक्षक तसेच रत्नागिरी जिल्हा कला अध्यापक संघाचे माजी अध्यक्ष विद्यमान सल्लागार श्री. तुकाराम मारुती दरवजकर हे दिनांक३१मे२०२३ रोजी नियतवयोमनानुसार सेवानिवृत्त झाले. त्या प्रित्यर्थ माजी विद्यार्थ्यांनी त्यांना शुभेच्छा देण्यासाठी दिनांक ३१ मे रोजी गणपतीपुळे येथे हा शुभेच्छा कार्यक्रम आयोजित करण्यात आला होता.
श्री. तुकाराम दरवजकर हे१९८३साली मालगुंड येथील बळीराम परकर विद्यालयात कला अध्यापक म्हणून ते रुजू झाले. गेली ४१ वर्षे त्यांनी मालगुंड एज्युकेशन सोसायटीच्या दोन्ही शाळांमध्ये कला अध्यापक म्हणून काम केले आहे, आणि त्यांनी असंख्य विद्यार्थी घडविलेले आहेत. त्यापैकी अनेक कला शिक्षक म्हणून जिल्ह्यात कार्यरत आहेत. त्यामध्ये श्री. दिलीप भातडे हे रत्नागिरी येथील फाटक हायस्कूल मध्ये कार्यरत आहेत. तर श्री. शाम पवार हे मालगुंड हायस्कूलमध्ये कार्यरत आहेत. तसेच श्री. उत्तम पवार हे फणसोप हायस्कूल येथे कार्यरत आहेत. श्री. रमेश गंधेरे हे सैतवडे हायस्कूल मध्ये कार्यरत आहेत. तसेच श्री. राहुल कळंबटे हे प्रसिद्ध रांगोळीकार आहेत. या माजी विद्यार्थ्यांनी आपल्या गुरूप्रति कृतज्ञता व्यक्त करण्यासाठी या शुभेच्छा समारंभाचे आयोजन केले होते. या सर्व माजी विद्यार्थ्यांनी आपल्या गुरूंना त्यांच्या निवृत्ती नंतरच्या आयुष्यासाठी आपल्या मनोगतातून सदिच्छा दिल्या.
या कार्यक्रमाला तुकाराम दरवजकर यांचे कुटुंबिय, पत्नी, तीन मुलं उपस्थित होती.
